జిగినీ పరదాలు
భూమిక September 2007
పుట్ల హేమలత
నీడగానే సాగాలన్నచోట
గోడగానే మారాలి
శలభానివి కావల్సిన చోట
పమ్రిదగానే వెలగాలి
పేమ్రాలింగనాల కొలిమిలో
అభిమానం అడుసుగా మారుతుంది
కోరికల జిగినీ పరదాల మాటున
నగిషీలు చెక్కిన గాయం
కాష్మోరాలా నిదల్రేస్తుంది
సవ్రించే పుండుని ముట్టుకోనేలేరు
వైతరణి కూడా
సుగంధభరితంగా పవ్రహించాలి కాబోలు
కిలికించితాల అలల మీద
అహంకృత గరళవస్త్రం కప్పుకుంటుంది.
ఇప్పుడు కొత్తగా ఏంటి?
హృదయ పరిచ్ఛేదన
యుగాల నాటిది
ఏ అభిజాత్యపు క్షణమో
నిన్ను నిన్నుగానే చూడాలనుకుంటుంది
ఒక్కొక్కసారి
సన్యాసపు సహజీవనాలు
ఎంత మధురంగా వుంటాయి!
నిన్ను నువ్వు గెల్చుకున్న
ఒక్కొక్క క్షణమూ
ఒక మూలరాయి అవుతుంది
పెనుగాలికి కూలిన మాను…
మనసు చచ్చిన మానవి…
తేడా ఏముందని?
దుఃఖపు మూలాల్ని
వేరుపురుగు తొలుస్తూనే వుంది
కీటకనాశని చల్లండి
గుండెగాయం
ఇంకా ఆరనే లేదు.
