స్త్రీవాద పత్రిక భూమిక

ములుగు లక్ష్మీమైథిలి
నా కళ్ళకు గంతలు కట్టారు, …..
కానీ…. నా చెవులకు కట్టలేదు…..
భారతావనిలో జరిగే అకృత్యాలను,…..
చూసి న్యాయం చెయ్యలేకపోయినా,…..
విని, విని…. నావీనులు వ్యధచెందినవి…..
అబల మానప్రాణాలు హరించిన,…..
మృగాల వికటాహాసాలు వింటున్నా,…..
కట్నం తేలేని కన్నెలను…..
మంటల్లో మసిచేస్తే, వారి హా హా కారాలు వింటున్నా…..
ప్రేమపేరుతో వంచించిన అతివల ఆర్తనాదాలు,
ప్రేమించలేదని, యాసిడ్‌లతో, కత్తులతో,
ఆకృత్యాలకు బలైన అబలల పొలికేకలు వింటున్నా,…..
విద్యాలయాల్లో కీచక ఉపాధ్యాయులు,
విద్యార్ధులకు చెప్పే కామసూత్రాలు వింటున్నా…..
అతివల ఆక్రోశాలు,
చెత్తకుండీల పాలైన పసికందుల ఆక్రందనలు,
సగటు మనుషుల ఆత్మహత్య ఘోషలు,
ఆడే వయసులో, పూటగడవలేని,
బాల కార్మికుల ఆవేదనలు,
నేరాలు, ఘోరాలు, హింసాకాండలు,
బంద్‌లతో, సమ్మెలతో రాజకీయ చట్రంలో,
నలిగిపోతున్న యువత నినాదాలు,
ఇంకా ఎన్నో మరెన్నో సంఘటనలు,
నామనసును కలిచివేస్తున్నా,…..
నా కన్నీటిపొరలు, నాకళ్ళగంతల,
మాటున నిలిచినవి,
న్యాయానికి….. న్యాయం చెయ్యలేక.

Continue reading →