భూమిక మిత్రులకు,
నమస్తే !
మార్చి 2016 సంచిక చూసి చాలా ఆశ్చర్య పోయాను. ప్రభుత్వంలోని ఒక ప్రణాళికా విభాగం, నూరుగురు
ఉద్యోగులతో చేయగలిగిన పని, ఏదో కాస్తంత సహానుభూతి, సహకారం తప్ప, ఎటువంటి ఇన్ఫ్రాస్ట్రక్చర్, నిర్మాణ వ్యవస్థాలేని భూమిక నిర్వహించడం! అందునా ఆడవాళ్ళు నిర్వహించే పత్రిక… సంపాదక, సలహా సభ్యులలో మచ్చుకైనా మగ నాకొడుకు లేని పత్రిక నిర్వహించడం..! చాల గొప్ప విషయమే కాదు, రికార్డుల కెక్కవలసిన విషయం. సంపాదకురాలు సత్యవతి తల్లి మాత్రమే కాదు, అమ్మ తల్లి అంటాను నేను. ఈ పుస్తకాన్నే భూమిక ప్రచురణగా మంచి కాలికో బౌండ్ చేసి ప్రచురిస్తే అన్ని లా కాలేజీలకూ, లా బుక్ హవుస్లకూ కూడా గొప్పగా ఉపయోగపడుతుంది. డాక్టర్ ఆఫ్ ఫిలాసఫీ యివ్వగలిగిన సమగ్ర దృక్పథం కలిగిన రిపోర్టు ఇది. ఇందుకు తోడ్పడిన వారందరికీ నా నిండు కృతజ్ఞతలు, స్సలాములు. ఈసారి వివిధ మత చట్టాల గురించి వాటిలోని లోటుపాట్ల గురించి ప్రత్యేక సంచిక, వివిధ కేసుల వివరాలతో యివ్వండి.
