నెమ్మికంటి సంధ్యారాణి
ఉనికి ప్రశ్నార్థకం అయిన ప్రతిసారి అస్తిత్వ పోరాటాలు తప్పనిసరి. ఆది మానవుడి నుండి ఆధునిక సమాజం దాకా ఈ ఉనికి పోరు మనం చరిత్రలో చూస్తూనే వున్నాము. అయితే ప్రస్తుత సమాజంలో జరుగుతున్న అరాచకాలను చూస్తుంటే మళ్లీ ఆదిమ సమాజపు అనాగరిక పోరాటమే నేటి తరం స్త్రీలు చేయాల్సి వస్తుందేమో అన్న సందేహం కలుగుతుంది. Continue reading
అనురాధ, అస్మిత రిసోర్స్ సెంటర్ ఫర్ విమెన్
ఈ ప్రపంచంలోని ఏడు బిలియన్ల ప్రజలలో సగంమంది మహిళలున్నారు.వీరిలో ప్రతి ముగ్గురిలో ఒకరు తమ జీవిత కాలంలో దెబ్బలు తింటున్నారు లేదా రేప్కు గురవుతున్నారు. అంటే ఈ ప్రపంచంలో నివసిస్తున్న వందకోట్ల మందికిపైగా స్త్రీలు తమ రోజు జీవితాలలో అనివార్యంగా హింసననుభవిస్తున్నారు. Continue reading
సాహిత్యం సుదీర్ఘ గతంలోకి వెళ్లి మానవ జీవితాన్ని చిత్రిస్తుంది. వర్తమాన సంఘర్షణలను యథాతథంగా చిత్రికపట్టడమే గాక భవిష్య మానవుడ్ని ఊహిస్తుంది. సమాజం సంఘర్షణా భరితం అయ్యేకొద్దీ మనిషిలోని చైతన్య వికాసం సాహిత్యంలో విస్తృతమవుతుంది. నవ మానవావిష్కారం దిశగా కళా సాహిత్యాలు రాబోయే సమాజాన్ని, విలువలను సూచిస్తుంటాయి. ఈ లక్షణం పుష్కలంగా ఉన్నందునే తెలుగు సాహిత్యం ప్రతి దశలోనూ నవ నవోన్వేషంగా సాగిపోతోంది.
పరుచూరి జమున
‘కుటుంబశ్రీ’ అనే పథకం గురించి తెలుసు కొనేందుకు మన మంత్రివర్యులు, సి.ఇ.ఓ. శ్రీ రాజశేఖర్ గారితో కలసి కేరళలో మూడు రోజుల పాటు పర్యటించే అవకాశం కలిగింది. అరేబియా సముద్రానికి ఆనుకొని కొండమీద కట్టిన అతిథి గృహంలో మాకు బస ఏర్పాటు చేశారు. Continue reading
అమృతలత
అమ్మ కడుపులో… వెచ్చగా… నిశ్చింతగా – తన ఆకృతి రూపుదిద్దు కుంటోన్న ఓ చిన్ని ఆకారం-
”ఛట్! మళ్ళీ ఆడపిల్లేనా? ఒద్దు!” తండ్రి కసాయి మాటలకి ఉలిక్కి పడింది! Continue reading
(సుగుణమ్మగారి జీవితానుభవాలు కొన్ని అనివార్య కారణాలవల్ల ప్రస్తుత సంచికలో ప్రచురించలేకపోతున్నందుకు చింతిస్తున్నాం. వారు కొన్ని అభ్యంతరాలను వ్యక్తం చేసారు. వారితో చర్చించిన తరువాత మిగతా భాగం ప్రచురించగలమని తెలియజేస్తున్నాం. – ఎడిటర్)
నేను బొంబాయిలో ఒక అనాథాశ్రమంలో పెరిగాను. ఒకసారి నేను వియత్నాం దేశస్థులతో అన్నాను- భూమి ఒకసారి అమ్ముడుపోయిన తర్వాత మళ్ళీ విత్తనం చల్లితే కూడా మొలకరాదు అని. నా విషయంలో మాత్రం అదే నిజమయింది. Continue reading
డా|| కె. సీత
మేము ఈ వేసవి సెలవులల్లో సిమ్లా వెళ్ళి అక్కడనుండి సట్లెజ్ నదీప్రవాహం వెంబడి సాగిన సాంగ్లా, కిన్నూర్, కైలాష్, కాల్పా టూర్ చేయాలని నిశ్చయించుకున్నాము. Continue reading
పసుపులేటి గీత
‘నాపేరు బీబీ మీనా. ఉత్తారీ రామ్పూర్ రెడ్ లైట్ ఏరియాలో నివసించే అల్లావుద్దీన్తో నా పెళ్ళి జరిగింది. నా భర్తింటి వాళ్ళకి ఆడపిల్లల చేత వ్యభిచారం చేయించడం అలవాటు. అల్లావుద్దీన్కు నాకంటే ముందే మరో భార్య ఉండేది. ఆమెకు ఇద్దరు కూతుళ్ళు. నా మెట్టినింటి వాళ్ళు ఆ ఇద్దరు పిల్లల్ని వ్యభిచార వృత్తిలో దింపేశారు. నాకు ముగ్గురు కొడుకులు, ముగ్గురు కూతుళ్ళు. నా కొడుకులు కూలికి వెళతారు. నా కూతుళ్ళ చేత కూడా వ్యభిచారం చేయించాలని నా భర్త ప్రయత్నించాడు. వాళ్లని స్థానికంగా ఉన్న ఒక సామాజిక సేవా సంస్థ తాలూకు పాఠశాలలో చేర్పించి చదివిస్తున్నాను. కానీ 2010లో నా భర్త నా కూతుళ్లని బడి నుంచి లాక్కొచ్చేశాడు. అతని దురుద్దేశమేమిటో నాకు తెలుసు. నా కూతుళ్లని కాపాడుకోవడానికి నేను నా మెట్టినింటి వాళ్లతో చాలా పోరాటం చేశాను. పిల్లల్ని మళ్ళీ ఆ సామాజిక సేవా సంస్థ తాలూకు శరణాలయంలో చేర్పించి, నేను నా పుట్టింటికి చేరాను. నా పిల్లలు బాగా చదువుకుని, తమ కాళ్లమీద తాము నిలబడాలన్నదే నా కోరిక. రెడ్లైట్ ఏరియాలోని ఒక ఇంటి ముందు కూర్చుని వాళ్ళు జీవితంతో పోరాడకూడదన్నదే నా ఆశయం…’
డా|| సి.హెచ్.ఎమ్.ఎన్. కుమారి
మహాకవి గురజాడ అప్పారావు గారు సామాజిక వాస్తవికతా దృక్పధంతో కథానికలు రాశారు. సమాజం పట్ల రచయితకున్న బాధ్యతను సమర్థవంతంగా నిర్వహించిన మేటి కథకుడు. ఈయన రాసిన అయిదు (5) కథలు జీవితం నుంచి పుట్టాయి. జీవితాన్ని వ్యాఖ్యానించాయి. వాటిల్లోని పాత్రలు అనునిత్యం మన కళ్ళముందు మెదిలే కొందరికి ప్రతిబింబాలు. ఈ కథానికలు కేవలం స్త్రీ సమస్యలనే ప్రధానంగా తీసుకొని రాయబడ్డాయి. ఇందులో మోసగాళ్ళు, దుర్మార్గులు చెప్పే నీతికి చేసే చేతకి సంబంధంలేని పురుషులు కనిపిస్తారు. మగవాళ్ళను మార్చగలిగిన స్త్రీలు, మగవాళ్ళ చేత హింసించబడ్డ స్త్రీలు కనిపిస్తారు. Continue reading
సామాన్య
(ప్రజలని అత్యంత ప్రభావితం చేయగల మాధ్యమం సినిమా. సినిమా నిర్మాణంలో ప్రభుత్వ ప్రమేయం అసలు లేకపోవడంచేత మన సినిమా ప్రస్తుతం కేవల లాభాపేక్షతో, మితిమీరిన హింస, శృంగారాలను రీళ్ల నిండుగా నింపుతున్నది. అంతేకాక, స్త్రీని భోగ్యవస్తువుగా నిలిపివుంచడంలోనూ, అనేక ఇతర వివక్షలను ప్రజల మనసులలోకి చొప్పించడంలోనూ విజయం సాధిస్తున్నది. సినిమా ఇట్లా కాకుండా ప్రజలకి వినోదంతోపాటూ గుణాత్మక, పరిణామాత్మక ప్రయోజనాలని అందించాలని ఒక బలమైన ఆకాంక్ష. ఆ ఆకాంక్షకి రూపమే ఈ ”సినిమా లోకం”. ఈ సంచిక నుండి సామాన్య కాలమ్ మొదలవుతుందని తెలియజేస్తూ…ఎడిటర్) Continue reading
డా|| విజయభారతి
సమాజంలో స్త్రీలు హింసకు గురి అవుతున్నారనటం వాస్తవం. అది పురుషులకూ తెలుసు. స్త్రీలు తమకంటే తెలివైన వారని కూడా పురుషులకు తెలుసు. ఇది నేను చెబుతున్న మాటకాదు. ”ఓషో” అని ఒక గొప్ప తత్వవేత్త చెప్పిన మాట. Continue reading
వేములపల్లి సత్యవతి
ఖాప్ పంచాయితీలు చట్ట బద్దమయినవి కావని నవంబర్ 2012లో సర్వోన్నత న్యాయస్థానం సంచలనాత్మకమైన తీర్పు చెప్పింది. Continue reading
కుప్పిలి పద్మ
(పమ్రుఖ రచయితి కుప్పిలిపద్మ కాలమ్ పార్రంభిస్తున్నామని తెలపటానికి సంతోషిస్తున్నాం. – ఎడిటర్)
యీ శీతాకాలం వుదయం నడుద్దామని యింట్లోంచి బయటకి వచ్చాను. యింటి వాకిట్లోని బంగారు రంగు ముద్దబంతి పువ్వుపై, హేమంత ఉదయపు లేత యెండ పసిమి కాంతులతో పరచుకొంది. రాత్రంతా పుష్పాలతో నిశ్శబ్దంగా వూసులాడిన మంచు తనని పోపోమంటున్న యీ సూర్యరశ్మిని విసుగ్గా చూస్తు ”రేపు చెప్తా నీ పని.యింత కంటే దట్టంగా కమ్ముకొంటాను. యీ రోజు కంటే మరింత ఆలస్యంగా నీ కిరణాలు యీ పూలని పలకరిచేట్టు చేస్తాను” అని తన తీయని ప్రతీకారపు ఆలోచనకి తనే గుంభనంగా ముసి ముసి నవ్వుకుంటూ పయనమైయింది మంచు. Continue reading
డా. నార్ల లావణ్య
సమాజంలో వైషమ్యాన్ని, పురాతనాచారాలని, సమాజాన్ని కలుషితం చేసే అనేక రుగ్మతల్ని, దురాచారాలను వ్యతిరేకిస్తూ తనదైన శైలిలో అందంగా రాయటంలో సిద్ధహస్తులు నార్ల వెంకటేశ్వరరావుగారు. నార్ల వెంకటేశ్వరరావుగారు 1907 జబల్పూర్లో జన్మించారు. 8 సం||ల పాటు అక్కడే వుండి తరువాత కృష్ణాజిల్లా కౌతారం వచ్చారు. Continue reading
