కరోన వైరస్ – ఈ పేరు వింటేనే ప్రస్తుతం ప్రపంచమంతా ఉలిక్కిపడుతోంది. మొదట్లో దీన్ని గురించి అసలు వివరాలకన్నా, అసత్యాలు ఎక్కువగా ప్రచారంలోకి వచ్చాయి. అవి యువకులలో కొంత నిర్లక్ష్యం, వయసు పైబడిన వారిలో భయాందోళనలు పెంచాయి. ప్రభుత్వం తగిన శ్రద్ధ తీసుకుని, కరోనా గురించి విస్తతంగా ప్రచారం మొదలెట్టాక, ప్రజలకు దాని వల్ల వచ్చే ప్రమాదమేమిటో అర్థం అయ్యింది. దీనికి కారణం లేకపోలేదు. మనదేశంలో ఇలాంటి వైరస్లు- స్వైన్ ఫీవర్ లాంటివి, ఇదివరకు వచ్చినప్పటికీ, ప్రజలకు వాటిని అత్యంత ప్రమాదకరమైనవిగా గుర్తించదగ్గ పరిస్థితి ఏర్పడలేదు. అందువల్ల మొదట్లో ప్రజలకూ, ప్రభుత్వాలకు కూడా కరోనా వైరస్ గురించి సీరియస్గా తీసుకోవాల్సిన అవసరం తెలియలేదు. అత్యంత ఆధునిక దేశాలన్నింటిలోనూ, ఇలాంటి పరిస్థితి ఎదురైంది. ఈ విషయంలో ప్రపంచ ఆరోగ్య సంస్థ, ముందుగా వివిధ దేశాలకు సరైన దిశానిర్దేశం చెయ్యలేకపోయిందనే ట్రంప్ గారు తప్పుబట్టారు. మన దేశంలో కాస్త ఆలస్యంగా మొదలైన ఈ ప్రమాదాన్ని ఎదుర్కోవడానికి ప్రభుత్వం అన్ని చర్యాలూ తీసుకున్నప్పటికీ, అధిక జనాభా వల్ల పూర్తి నియంత్రణ సాధ్యపడ లేదనుకోవాలి. అయితే సామాజిక వ్యాప్తి నిరోధానికి మన ప్రభుత్వం తీసుకున్న ‘లాక్ డౌన్’ గొప్ప అసాధారణ చర్య అనే చెప్పాలి. దీని వల్ల మంచి ఫలితాలుంటాయని ప్రభుత్వం ప్రకటించింది. అది రుజువైంది కూడా. ఈ చర్యే ప్రభుత్వం తీసుకుని ఉండకపోతే, మనదేశం కూడా మరొక న్యూయార్క్ నగరంలా మారి ఉండేది.
Continue reading →
