స్పందన -తుర్లపాటి లక్ష్మి

భూమికకు అభినందనలు
భూమికకు 30 సంవత్సరాలు. ఇదొక అద్భుతమైన విషయం. ముందుగా అభినందనలు.
సాధారణంగా ఏ పత్రికనయినా వెలుగులోకి తీసుకురావడం, కొనసాగించడం కత్తిమీద సామే. పత్రికను ఆర్థికంగా నిలబెట్టుకోవడం, సమయానికి పత్రిక సంపూర్ణ రూపంలో బయటకు రావడం, దాని సర్క్యులేషన్‌, పాఠకులకు చేర్చడం, రచనలు సేకరించడం… ఇలా చూస్తే దేనికదే పెద్ద టాస్క్‌.
అందునా ‘భూమిక’ మహిళలు మాత్రమే నడిపే మహిళా పక్షపాత పత్రిక. మహిళల సమస్యలను పలు కోణాల్నుండి పరిశీలించి, రచయిత్రుల అంతరంగాలను అవిష్కరించింది. మరుగున పడిన జీవితాలను, రచనలను వెలికి తీసుకువచ్చి మన కళ్ళముందుంచింది.
ప్రతి మహిళకు ఎంతో మనోధైర్యాన్నిస్తూ ఆద్యంతం చదివించే పత్రిక. మనం ‘భూమిక’ను చదువుతున్నామంటే మనమేమిటో వేరేవారికి ప్రత్యేకంగా చెప్పనవసరంలేదు.
ఈ సుదీర్ఘ ప్రయాణంలో సంపాదకవర్గంతో బాటు ముఖ్యంగా కొండవీటి సత్యవతిగారి అలుపెరుగని కృషి అణువణువునా
ఉంది. తనకు ఎన్ని చేతులు పరోక్షంగా బలాన్నందిస్తున్నా కష్టనష్టాలకోర్చేది సత్యవతిగారి చెయ్యే.
భూమికలో నా రచనలకు కూడా స్థానం కల్పించి నన్నెంతో ప్రోత్సహించారు. నేను 1996లో జరిగిన రచయిత్రుల కథాకార్యశాలలో పాల్గొని ఎంతో ప్రేరణ పొందాను.
‘భూమిక’ మన పత్రిక. మనందరి పత్రిక. పత్రికను ఆర్థికంగా, హార్థికంగా బలోపేతం చేసుకోవాల్సిన బాధ్యత మనందరిది.
మరోసారి అభినందనలతో,
` తుర్లపాటి లక్ష్మి, హైదరాబాద