నువ్వొక మనిషివో – మృగానివో
సాడిస్టువో – సైకోవో
ఎలా అంచనా వెయ్యడం!?
నాటినుండి రేపటి వరకూ.. ఇంకా
నా చుట్టూ వివక్షతలను అల్లుతూ
అగాధాలను త్రవ్వుతూనే వున్నావ్‌!
నీ స్వభావ .. స్వరూపాలను
క్షణాల్లో మారుస్తూ
ఇంటిలోనో – సందులోనో లేక బాహాటంగానో
నన్ను అవమానిస్తూ నా ఉనికిని భగ్నం చేస్తూ
నా మనసును మంటల్లో కాలుస్తూనే వున్నావు !
నా సహచరుడు నాకు చిరకాల శత్రువయ్యాడు –
వాడు ఎక్కడోలేడు
ఎందెందు వెతికినా.. అందందే కలడు !
నన్ను చెరిచి – హతమార్చి – చెట్టుకు ఉరేసి వేలాడ దీసారు –
నరహంతకులు – కామపిశాచులు
మగతోలు కప్పుకున్న మృగాలు
మన కళ్ళెదుటే తిరుగుతున్నారు- యధేచ్ఛగా-
మెడమీద తలకాయ పెట్టుకు తిరిగే మదోన్మాదులారా!
నాలో రగిలే ఆలోచనలనే
ఆయుధంగా మలచుకునే
నా నిలువెత్తు భూమికను… పదునైన ప్రస్థానాన్నీ
రేపటి రోజున మండే సూర్యుణ్ణీ
పరిహసించేదెవరు ! శాసించేదెవరు!? .
