ఏడు దినాలకు
మా ఇంట్ల పెండ్లుంది
అంతా మస్తు మÖరుస్తుండ్రు.
గది యాదికొస్తే
నీల్లలకేంచి బైటవడ్డ షాపపిల్లలెక్క
అయితుంది నా పానం.
నా మొగడే …
గా పెండ్లి పిలగాడు
గదే నా బాధ.
కండ్లల్లా కడలిని దాయలేను
గీ పెండ్లి ఆపలేను.
ఎందుకంటే….
నేను గొడ్రాలని
నా మొగనికి మారు మనుము జేసి
నా బతుకు ఆగం జేస్తుండ్రు.
గది నా తప్పా
మండుతున్న గుండెతో ఓ మాటడుగుతా
నియ్యతు మీద జెప్పుండ్రి
ఆదొల్లకు పిల్లలు పుట్టకపోతే
మొగోళ్లకు మారు మనుము జేస్తరు.
మరీ…
మొగోళ్లకు పిల్లలు పుట్టకపోతే
పిల్లలను పెంచుకుట్టరు
గీడ ఎవరు అన్నాలమైతుండ్రు.
గాళ్లకో తీరుగా…
మాకో తీరుగుంటదా నాయం
గట్లనీ ఎవరు జెప్పిండ్రు
గిదేం నాయం.
