కవిత

‘అరవింద స్కూల్‌’ విద్యార్థులు రాసిన కవితలు

ఆనందాన్నిచ్చే పుస్తకాలు

పుస్తకం ఓ పుస్తకం

పిల్లలకి చదువే పుస్తకం,

పెద్దలకి గుర్తింపే పుస్తకం,

ముసలి వాళ్ళకు ఆలోచనలకి కారణమే పుస్తకం,

పసివారికి ఆనందమే పుస్తకం,

నీలో ఉంటాయి ఎన్నో కథలు

వాటిలో ఉంటాయి నీతులు,

నీలో ఉంటాయి ఎన్నో కలలు,

అవి మెప్పించాయి మా మనసులు,

నీలో ఉంటాయి ఎన్నో పద్యాలు

అవి చెప్తాయి మనుషుల భావాలు,

జీవితంలో ఉంటాయి ఎన్నో ఎత్తు పల్లాలు

నీవుంటేనే తెలుస్తాయి మా రాశి ఫలాలు

పెన్నుతో కానీ, పెన్సిల్‌తో కానీ రాస్తాము నీ మీద,

నీ మీద రాయడం మాకు సరదా.

– పూజిత, హర్షిణి, 7వ తరగతి