ఆన్లైన్లో క్లాసులు చూడు – డి. లలిత

కరోనా వచ్చె చూడు

కరువు వచ్చె చూడు

ప్రాణం ఎప్పుడు ఉంటుందో పోతుందో

తెలియని పరిస్థితి చూడు

ప్రైవేటు బడి తీరు చూడు

ప్రభుత్వం పని తీరు చూడు

బడి బడి అనే

తరగతి గదులు చూడు

ఆన్లైన్‌ క్లాసులు చూడు

ప్రైవేటు బడి తీరు చూడు

ఫోన్‌ లేని వాళ్ళ పరిస్థితులు చూడు

వాళ్ళు అప్పు తెచ్చి కొనిరి చూడు

ఐఫోన్‌ కొనిరి చూడు

ఫోన్లో బాలన్స్‌ లేదు

ఫోన్‌ ఉంటే నెట్‌ రాదు

నెట్‌ ఉంటె ఫోన్‌ రాదు

నెట్‌ రాదని వెళ్లె చెట్టు మీదకి

క్లాస్‌ టైమయిందని

ఆగమాగమాయే

కాలు విరిగె చూడు

తరగతి గదిలో పాఠం చెప్పిన తీరు చూడు

ఫోన్లో చెప్పిన అర్థంకాని పరిస్థితి చూడు

పుస్తకాలలో పాఠాల పేర్లు తెలియక

పిల్లలు ఆగమాగమయ్యి గాభర పెట్టిరి

అంగన్వాడీ టీచర్ల పరిస్థితి చూడు

గర్భిణులు, బాలింతలు, పిల్లలు

ఫోన్ల వినే పాఠాల తీరు చూడు

ఆన్లైన్లో క్లాసులు చూడు.

ఎందరో మేధావులు ఆన్లైన్‌ క్లాసులు వద్దని

మొరపెట్టుకొనిరి చూడు

వినరు వినరు వారి చావు కొని తెచ్చుకొనిరి చూడు