భూమిక ఎడిటర్‌,
కొన్ని పరిచయాలు, స్నేహంగా మారిన సమయాలు, చిన్న చిన్న అపార్థాలు, అలకలు, కోపతాపాలు, దబాయింపులు ఎంత బాగుంటాయి. గడిచిపోయిన ఆ కాలాన్ని గుర్తుకు తెచ్చుకోవడం, ఎడబాటు మృత్యువు రూపంలో విడదీసిన సందర్భాల్లో వెలితిగా, ఆర్తిగా,
ఆర్ద్రంగా, గుండెలోంచి ఊట ఎగజిమ్ముతున్న దుఃఖంగా… పి.సత్యవతి గారు ఆహ్వానం లక్ష్మిగారి ‘అల్విదా’ను రాసిన గెస్ట్‌ ఎడిటోరియల్‌ తడిలో తడిపేసింది. ‘ఆహ్వానం’ పత్రికను ఆ రోజుల్లో నేనూ చూశాను. ఒకటి, రెండు నా కవితలు కూడా వచ్చాయనుకుంటా…
కఠినంగా దూరం చేసిన అనుబంధాల ఆత్మీయతల జ్ఞాపకాలను విచలిత మనసు వాకిట్లో పోసుకుని చెమ్మగిల్లిన కళ్ళతో తాకినట్లయింది.
` అనిశెట్టి రజిత
