నేనొక విశ్వప్రేమికురాలను
ఈ విశ్వమంతా నేను వ్యాపించాను
నేనొక నదీ ప్రేమికురాలను
అన్ని నదుల్లోను నేను ప్రవహిస్తాను
నేనొక అరణ్య ప్రేమికురాలను
ప్రతి చెట్టు మీద పుప్పొడిలా రాలుతుంటాను
నేనొక సముద్ర ప్రేమికురాలను
ప్రతి కెరటం మీద నాట్యం చేస్తుంటాను
నేనొక పున్నమి ప్రేమికురాలను
వెన్నెల జలతారుల్లో ఊయలూగుతుంటాను
నేనొక నలుపు రంగు ప్రేమికురాలను
అమావాస్య రోజు ఆకాశంలో కలిసిపోతాను
నేనొక మనిషి ప్రేమికురాలను
ఆడా మగా హద్దులను కూలగొడుతుంటాను
నాకు కులం, మతం, ప్రాంతం ఏమీ లేవు
నాది విశ్వ ప్రేమ, ప్రకృతి ప్రేమ…
మనిషి మీద అనంతమైన ప్రేమ నాకు.
