చీకటి పరదాలను తొలగించుకుంటూ…
ప్రకృతిలా మునుముందుకెళ్తూ
విద్యా, వివేకాలతో విచక్షణ జ్ఞానంతో
తమ్ము తాము నిరూపించుకుంటూ
మగువ ముందుకెళ్తోంది వెల్లువైన చైతన్యంతో
పితృస్వామ్య నీడలనే ఛేదిస్తూ అబల కాదు సబలనని అవవోకగా శ్రమ చేస్తూ,
కలిమి, లేముల వ్యథను
సహనంతో భరిస్తూ, కాలాన్ని
ఎదిరిస్తూ కాంతి పుంజమై
సాగుతోంది నలుదెసల
ఆధిపత్య వర్గాల ఆగడాలను భరిస్తూ
భూదేవిగా, శాంతికి వారధిగా ఆడపిల్లల బతుకు దిద్దిన మొదటి గురువు సావిత్రమ్మ వారసులుగా
సదా ముందుకెళ్తోంది సవ్యసాచిలా
కష్టనష్టాలను కంటి కొసలతో శాసిస్తూ
సకల విద్యలతో, సామరస్య పాలనతో
ధైర్యమే ధ్యేయంగా, ఆత్మవిశ్వాసంతో సాగుతోంది
అరుదైన గెలుపులతో
