ఎల్లలు లేని మన స్నేహంలో
నీ నెలసరి నిషిద్ధ
రహస్యమైపోయింది కదా
నీ నెత్తుటిస్రావం అంటుగా
గడప బయట మౌనంగా
కూర్చుండిపోయింది.
నీ చిరునవ్వును శిథిలావస్థకు చేరే
ఆ మూడు రోజుల వెనుక నెత్తుటి-
కన్నీటి మరకలను
మన స్నేహం ఎప్పుడన్న
స్పృశించలే కదరా…
ఐనను…
సెక్స్‌ ఎడ్యుకేషన్‌ను బూతుగా
మార్చిన ఈ దేశానికి
మన స్నేహానికి పెద్ద తేడా
లేదనిపిస్తోందిరా…!
అరే చిట్టి
నెలసరి రోజుల్లోను తలెత్తి నిలబడు.
అదేమీ తప్పుకాదు, నేరం
అంతకన్నా కాదుగా…
చిట్టి…
ఈ దేశ హృదయంలో
గడ్డకట్టుకున్న అజ్ఞానాన్ని
నీ నెత్తుటి స్రావంతో కడిగిపారేద్దాం…?
దేశాన్నే కాదు-మన స్నేహాన్ని
కూడా…
